న్యూ ఢిల్లీ: రష్యా కరోనా టీకా – స్పూత్నిక్-5 ఎంతో సురక్షితమైనది. ప్రభావవంతంగా పని చేస్తుందని తేలింది. ది మాస్కో టైమ్స్ ప్రకారం అనుసరించి కరోనా వ్యాక్సిన్ స్పూత్నిక్-5 తీసుకున్న వాలంటీర్లలోని 85 శాతం మందిలో ఎటువంటి దుష్ప్రభావాలు కనిపించలేదని వ్యాక్సిన్ను అభివృద్ధి చేసిన శాస్త్రవేత్తలే స్వయంగా ప్రకటించారు. రష్యా ఈ స్పూత్నిక్-5 వ్యాక్సిన్ను మాస్కోకు చెందిన గమలేయ రీసెర్చ్ ఇన్ స్టిట్యూట్ ఆఫ్ ఎపిడిమియోలజీ, మైక్రోబయోలజీల సహకారంతో అభివృద్ధి చేసింది. ఈ విషయాన్ని రష్యా గత ఆగస్టులోనే వెల్లడించింది. తాజాగా ఈ వ్యాక్సిన్ గురించి గమలేయ రీసెర్చ్ ఇన్స్టిట్యూట్ ఆఫ్ ఎపిడిమియోలజీకి చెందిన శాస్త్రవేత్త అలగ్జాండర్ గింటూస్బర్గ్ మాట్లాడుతూ స్పూత్నిక్-5 కారణంగా స్వల్ప దుష్ఫ్రభావాలు ఎదురవుతున్నాయని, స్వల్ప జ్వరం, తలనొప్పి మొదలైనవి కనిపిస్తున్నాయన్నారు. ఇటువంటి సైడ్ఎఫెక్ట్స్ కేవలం 15 శాతం మందిలోనే కనిపిస్తున్నాయన్నారు. వ్యాక్సిన్ తీసుకున్న 85 శాతం వాలంటీర్లలో ఎటువంటి దుష్ప్రభావాలు కనిపించలేదని తెలిపారు.