హోసూరు : హోసూరులో వికలాంగులకు అచ్చెట్టిపల్లి పంచాయితీ అధ్యక్షులు శ్రీనివాసరెడ్డి నిత్యావసర వస్తువులను పంపిణీ చేశారు. స్థానిక కామరాజ్ కాలనీలో గల ప్రభుత్వ ప్రాథమిక పాఠశాలలో ఏర్పాటు చేసిన కార్యక్రమంలో ఆయన పాల్గొని 50 మంది వికలాంగులకు ని త్యావసర వస్తువులను పంపిణీ చేశారు. ఈ సందర్భంగా శ్రీనివాసరెడ్డి మాట్లాడుతూ హోసూరు పట్టణంలోనే కాకుండా చుట్టు పక్కల గ్రామాలలో కూడా పేదలకు, వికలాంగులకు కూడా నిత్యావసర వస్తువులను పంచిపెట్టానని వెల్లడించారు. లాక్ డౌన్ కారణంగా పట్టణంలోని వివిధ ప్రాంతాలలో నివసిస్తున్న పేద ప్రజలకు నిత్యావసర వస్తువులను ఆయన పంచిపెట్టారు.