తమ ఇద్దరికి హిట్‌ ఇచ్చిన దర్శకుడు ఇంద్రగంటి మోహన్‌కృష్ణ దర్శకత్వంలో హీరోలు నాని,సుధీర్‌బాబులు కలసి నటిస్తున్న V చిత్రంపై అంచనాలు భారీగా ఉన్నాయి.మొదటిసారి నాని ఈ చిత్రంలో ప్రతినాయక ఛాయలున్న పాత్రను పోషిస్తుండడంతో చిత్రంపై అంచనాలు ఆ రేంజులో ఉన్నాయి.పైగా మొదటినుంచి విభిన్న కథలు,సస్పెన్స్‌ థ్రిల్లర్‌ చిత్రాలనే తెరకెక్కిస్తున్న ఇంద్రగంటి ఈసారి మరింత థ్రిల్లింగ్‌ కథతో చిత్రాన్ని తెరకెక్కించినట్లు ట్రైలర్‌ ద్వారా తెలియడంతో ఆతృత,ఉత్కంఠత పెరిగింది.తాజాగా ఈ చిత్రానికి సంబంధించి వెలువడ్డ ఓ వార్త మరింత ఉత్కంఠ రేపుతోంది.హీరోగా దూసుకుపోతున్న నానీ, విలన్ పాత్రను చేయడానికి కారణం కొత్తగా కనిపించడం కోసమేనని అనుకున్నారు.కానీ ఈ పాత్రకి సంబంధించిన ఒక అనూహ్యమైన ట్విస్ట్ ఉందట. అది క్లైమాక్స్ లో రివీల్ అవుతుందనే టాక్ తాజాగా వినిపిస్తోంది.ఆడియన్స్ ఎవరూ ఊహించని విధంగా ఆ క్లైమాక్స్ ఉంటుందని అంటున్నారు. ఈ కారణంగానే ఈ పాత్రను చేయడానికి నాని అంగీకరించాడని చెబుతున్నారు. ఇది కచ్చితంగా ఈ సినిమాపై మరింత కుతూహలాన్ని పెంచే విషయమే..