కరోనా మహమ్మారి నుంచి ప్రజలను రక్షించడానికి వైద్యులు,నర్సులు చేస్తున్న కృషి గురించి ఎంత చెప్పుకున్నా తక్కువే అవుతుంది. తమ ప్రాణాలను లెక్కచేకుండా రోగుల ప్రాణాలు కాపాడుతున్నారు. దీంతో కోలుకున్న రోగులు ఆ వైద్యులు నర్సులకు కృతజ్ఞత చెప్పకుండా ఉండలేకపోతున్నారు. నిస్వార్థంగా పనిచేస్తున్న వారిపై ప్రపంచవ్యాప్తంగా ప్రశంసలు కురుస్తున్నాయి.యూఏఈకి చెందిన ఓ యువకుడు కరోనాతో కొద్ది కాలం క్రితం ఆసుపత్రిలో చేరాడు.అప్పటి నుంచి ఓ అందమైన నర్సు అతడికి సేవలు చేస్తూ కరోనా నుంచి కాపాడింది.చికిత్సలో భాగంగా ఇద్దరి మధ్య ఏర్పడ్డ పరిచయం కొద్ది రోజులకే ప్రేమగా మారింది. దీంతో తనకు సేవ చేసిన నర్సుకు ఒక రింగ్ తో అదే ఆస్పత్రిలో ప్రపోజ్ చేశాడు ఆ మహమ్మారి నుంచి కోలుకున్న యువకుడు. ఆ నర్సు కూడా యువకుడి ప్రేమకు కదిలిపోయింది. ఇద్దరూ ఆస్పత్రులోనే నిశ్చాతార్థం చేసుకున్నారు. ఈ చిత్రం హృదయాలను కరిగించే విధంగా ఉంది. పీపీఈ కిట్స్‌తో ఉన్న నర్సు కోలుకున్న మహమ్మారి యువకుడు అదీ ఆస్పత్రిలో ఒక్కటవ్వడం.. ఆ నర్సు ముసిముసి నవ్వులు చూడడానికే చాలా ప్రేమమయంగా ఉంది.. వీరిద్దరి ప్రేమ పిక్స్ ఇప్పుడు వైరల్ అయ్యాయి.
