లఖ్నవూ : భాజపా లోక్ సభఢ సభ్యులు రీటా బహుగుణ జోషి, కాంగ్రెస్ నేతలు రాజ్బబ్బర్, ప్రదీప్ జైన్ ఆదిత్యతో పాటు మరో ఆరుగురికి ఇక్కడి ప్రత్యేక ఎంపీ-ఎమ్మెల్యే కోర్టు శుక్రవారం నాన్ బెయిలబుల్ వారెంట్లు జారీ చేసింది. 2015 కి సంబంధించిన వ్యాజ్యం విచారణకు వీరంతా న్యాయ స్థానం ఎదుట హాజరుకానుందుకు ఈ ఆదేశాలిచ్చింది. నిందితులపై ఇప్పటివరకు వారెంట్లు ఎందుకు జారీ చేయలేదని హజ్రత్గంజ్ పోలీస్ స్టేషన్ హౌస్ ఆఫీసర్(ఎస్హెచ్వోకు)కు తాఖీదులు జారీ చేసింది. 2015, ఆగస్టు 17న లక్ష్మణ్ మేళా వద్ధ కాంగ్రెస్ ఆధ్వర్యంలో జరిగిన ధర్నాలో కూర్చున్న నాయకులు, 5 వేల మంది కార్యకర్తలు విధాన భవన్ వద్ద కు వెళ్లారు. వారు అక్కడ గుమిగూడకుండా ఆపేందుకు పోలీసులు ప్రయత్నించినపుడు పరిస్థితి అదుపుతప్పింది. జరిగిన తొక్కిసలాటలో పోలీసు సిబ్బంది, పౌరులు తీవ్రంగా గాయపడ్డారు. హజ్రత్గంజ్ పోలీసులు 19మందిని నిందితులుగా పేర్కొన్నారు.
