న్యూ ఢిల్లీ : బాలీవుడ్ సీనియర్ నటి ఆశా పరేఖ్ 2020 ఏడాది దాదా సాహెబ్ ఫాల్కే అవార్డుకు ఎంపికయ్యారని కేంద్ర సమాచార, ప్రసారాల మంత్రిత్వ శాఖ మంగళవారం ఇక్కడ తెలిపింది. 68వ జాతీయ చలనచిత్ర పురస్కారాల్లో ఈ నెల 30న ఫాల్కే అవార్డును ఆమెకు ప్రదానం చేయనున్నారు. 1942 అక్టోబర్ 3న గుజరాతీ కుటుంబంలో జన్మించిన ఆమె బాల్యంలోనే శాస్త్రీయ నృత్యం నేర్చుకున్నారు. 1952లో వచ్చిన ‘మా’ తో బాలనటిగా చిత్ర సీమలో అడుగుపెట్టారు. ఆ చిత్రంతోనే ఆమెకు మంచి గుర్తింపు లభించింది. 1959లో విడుదలైన ‘దిల్ దేకే దేఖో’ చిత్రంతో ఆమె హీరోయిన్గా మారారు. కటీ పతంగ్, మేరా గావ్ మేరా దేశ్, తీర్సీ మంజిల్ వంటి చిత్రాలు మంచి గుర్తింపు తెచ్చిపెట్టాయి.
