మనవాళిపై పగబట్టిన కరోనా వైరస్ కు వాక్సిన్ కనిపెట్టడానికి ప్రపంచ దేశాలన్నీ నిర్విరామంగా ప్రయత్నిస్తున్నాయి.ఇప్పటికే భారత్ సహా చాల దేశాలు వాక్సిన్ సిద్ధం చేసిన అవి ఏ మేరకు ఫలితాలు ఇష్టతాయోనని అనుమానాలు వ్యక్తమవుతున్నాయి.ఈ తరుణంలో లామా అనే జంతువులో వైరస్ ను ఎదుర్కొనే యాంటీ బాడీస్ భారీగా ఉన్నాయని గుర్తించారు.చూడ్డానికి ఓ చిన్న సైజు ఒంటెలా.. కంగారూలా కనిపిస్తుంటుంది. ఈ జంతువు దక్షిణ అమెరికా దేశాల్లో అరుదుగా కనిపిస్తుంటాయి. పెరూ కొలంబియాల్లో కూడా ఉంటాయి. డొమెస్టిక్ యానిమల్ గుర్తింపు ఉన్న ఈ లామా ప్రస్తుతం ప్రపంచవ్యాప్తంగా వార్తల్లోకి ఎక్కింది. ఈ పరిశోధనలతో పరిశోధకుల దృష్టి ఆ జంతువుపై పడింది. భయానక వైరస్ను నిర్మూలించడానికి అవసరమైన విరుగుడు ఈ జీవిలో ఉందని శాస్త్రవేత్తలు భావిస్తున్నారు. మరే జంతువులోనూ లేని విధంగా లామాలో విభిన్నమైన జీవకణాల నిర్మాణం ఉందని దాని ద్వారా వైరస్కు విరుగుడును కనిపెట్టవచ్చని పరిశోధకులు చెబుతున్నారు.వైరస్ దాడి చేస్తే సమర్థవంతంగా ఎదుర్కొనే సహజసిద్ధ జీవకణాలు లక్షణాలు ఆ జంతువు లామాలో మాత్రమే ఉన్నట్లు పరిశోధకులు గుర్తించారు. ఈ తరహా జీవకణాల నిర్మాణం మరే ఇతర జంతువుల్లో లేదని తేలింది. వైరస్ సోకిన సమయంలో లామా సహజసిద్ధంగా రోగ నిరోధక శక్తిని పెంపొందించుకుంటుందని పరిశోధకులు చెబుతున్నారు. ఈ తరహా సూక్ష్మ జీవకణాలను నానోబాడీస్గా గుర్తించారు. లామా రక్తకణాలను సేకరించి దానిపై నిర్వహించిన పరిశోధనల సందర్భంగా ఈ విషయం వెలుగులోకి వచ్చిందని మహమ్మారి వంటి వైరస్ను నిర్మూలించగలిగే సామర్థ్యం వాటికి ఉందని చెప్పారు.
