డెహ్రాడూన్: ఉత్తరాఖండ్కు కొత్త ముఖ్యమంత్రి రానున్నారు. ముఖ్యమంత్రిగా తీరథ్ సింగ్ రావత్ కొనసాగడం రాజ్యాంగ విరుద్ధమని కాంగ్రెస్ పార్టీ ఆక్షేపించింది. తీరథ్ సింగ్ రావత్ ఎమ్మెల్యేగా ఎన్నిక కాక పోవటం ఇందుకు కారణం. వచ్చే సెప్టెంబర్ 9 కి ఆయన పదవి చేపట్టి ఆరు నెలలు ముగుస్తోంది. శాసనసభ ఎన్నికలు జరగడానికి ఏడాది కంటే తక్కువ కాలం ఉన్నందున ప్రజా ప్రాతినిధ్య చట్టం 151 ఎ సెక్షన్ కింద ఉప ఎన్నికలు నిర్వహణకు అవకాశం లేదు. దరిమిలా కొత్త ముఖ్యమంత్రి అనివార్యం. గత మార్చిలో బీజేపీ ఎంపీ తీరథ్ సింగ్ రావత్ ముఖ్యమంత్రిగా ప్రమాణ స్వీకారం చేశారు. 2022లో శాసనసభ ఎన్నికలు జరగనున్నాయి.