ధూమపానం వల్ల అనేక
అనారోగ్య సమస్యలు తలెత్తుతాయని హెచ్చరిస్తున్నా, పొగరాయుళ్లు వాటి బారి నుంచి బయటపడడం
లేదు. తాజాగా ఎక్కువ సిగరెట్లు కాల్చేవారి రెటీనాలోని రక్త నాళాలు, ఇతరత్రా భాగాలు
దెబ్బ తింటాయని అమెరికాలోని ఓ విశ్వ విద్యాలయం శాస్త్రవేత్తలు తెలిపారు. దీని వల్ల
కంటి చూపు మందగించడంతో పాటు చూపును కూడా కోల్పోయే ప్రమాదం ఉంటుందని హెచ్చరించారు.
రోజుకు 20 కంటే ఎక్కువ సిగరెట్లు తాగే వారు దృష్టి కోల్పోయే ప్రమాదం ఎక్కువగా
ఉందని తెలిపారు. 25-45 ప్రాయంలోని వారిని పరిశీలించగా, ఎక్కువ సిగరెట్లు
కాల్చేవారి కంటి రక్త నాళాలు బాగా దెబ్బ తిన్నట్లు తేలిందన్నారు.