హైదరాబాద్:ఇక్కడి ఇందిరాపార్కు ధర్నాచౌక్ వద్ద వైఎస్ షర్మిల గురువారం దీక్ష ప్రారంభమైంది. తెలంగాణలో ఖాళీగా ఉన్న 1.91 లక్షల ఉద్యోగాల భర్తీకి నోటిఫికేషన్ విడుదల చేయాలని డిమాండ్ చేసారు. దీక్షను 72 గంటల పాటు నిర్వహించాలని భావించారు. గురువారం సాయంత్రం 5 గంటల వరకు మాత్రమే నిర్వహించుకోవడానికి పోలీసులు అనుమతినిచ్చారు. దీంతో ఆమె ఎప్పటివరకు దీక్ష చేస్తారన్న విషయంపై సందిగ్ధత నెలకొంది. నిరుద్యోగుల కోసం దీక్ష చేస్తానని ఇటీవల నిర్వహించిన ఖమ్మం సభలో షర్మిల ప్రకటించిన విషయం విదితమే.