సాధారణంగా పాములు కప్పలను ఆహారంగా భక్షిస్తుంటాయి.కానీ ఆస్ట్రేలియాలో ఓ కప్ప మాత్రం అందుకు భిన్నంగా పామును అమాంతం స్వాహా అనిపించేసింది. అది కూడా మామూలు సర్పం కాదు. అత్యంత విషపూరితమైన పాము.పామును కప్ప మింగుతున్న చిత్రాలు ప్రపంచవ్యాప్తంగా వైరల్ అయ్యాయి. క్వీన్స్ ల్యాండ్ రాష్ట్రంలో గ్రీన్ ట్రీ ఫ్రాగ్ రకానికి చెందిన ఓ కప్ప, తనకు ఎదురుపడ్డ పాముతో పోరాడి మరీ దాన్ని మింగేసింది. ఈ క్రమంలో పాము పలుమార్లు కప్పను కాటేసింది కూడా. అయితే, ఆ కప్పకు బాగా ఆకలేసి ఉండవచ్చని, అందుకే అది పోరాడి మరీ, ఆహారంగా పామును మింగిందని జంతు శాస్త్రవేత్తలు అభిప్రాయపడుతున్నారు.
