సుశాంత్ మృతి కేసులో మొదటి నుంచి ఆరోపణలు ఎదుర్కొంటున్న అలియా భట్ తండ్రి మహేష్ భట్ లీలలు ఒక్కొక్కటి వెలుగు చూస్తున్నాయి.సుశాంత్ మృతి కేసులో ప్రధాన ఆరోపిగా ఉన్న రియా చక్రవర్తితో సన్నిహితంగా ఉన్న ఫోటోలు పలు అనుమానాలకు దారి తీశాయి.తాజాగా కొద్దీ కలం క్రితం మృతి చెందిన జియా ఖాన్ తో సైతం మహేష్ భట్ చాల సన్నిహితంగా ఉన్న ఫోటోలు వెలుగు చూశాయి. సుశాంత్ మరణం వెనుక రియాతో కలిసి మహేష్ భట్ కుట్రలు చేశారనే ఆరోపణల నేపథ్యంలో ఈ అగ్ర దర్శకుడి బండారాన్ని నెటిజన్లు బయటపెడుతున్నారు.సుశాంత్ మరణం తర్వాత ఎక్కువ ఆరోపణలు ఎదుర్కొంటున్న ప్రముఖుల్లో మహేష్ భట్ ఒకరు. రియాతో కలిసి కుట్ర పన్నారనే ఆరోపణలు బాలీవుడ్‌లో సంచలనం రేపాయి. మహేష్ భట్‌తో కూడిన కొందరు బాలీవుడ్‌లో సూసైడ్ గ్యాంగ్ అంటూ కంగన రనౌత్ ఆరోపించడం మరింత సెన్సేషన్‌గా మారింది. రియాతో ఉన్న సన్నిహిత సంబంధాల కారణంగానే సుశాంత్ మరణంలో అనేక అనుమానాలు, ఆరోపణలు వస్తున్నాయి.మహేష్ భట్ తీరుపై కంగన రనౌత్ చేసిన ఆరోపణలు బాలీవుడ్‌లో ప్రకంపనలు రేపాయి. కంగన ఆరోపణల తర్వాత మహేష్ భట్‌ను ముంబై పోలీసులు హడావిడిగా విచారించారు. అయితే మహేష్‌ను ముంబై పోలీసులు ప్రశ్నించడం కంటితుడుపు చర్యే అనే మరో అరోపణ మీడియాలో హల్‌చల్ చేసింది.మహేష్‌ భట్‌పై ఇలాంటి ఆరోపణలు ఓ వైపు వెల్లువెత్తుతున్న తరుణంలోనే మరో పక్క రియాతో చేసిన సీక్రెట్ ఛాటింగ్ మీడియాలో బయటకు వచ్చింది. దాంతో సుశాంత్ కేసులో మహేష్ భట్, రియా పాత్రలపై మరింత అనుమానాలు రేకెత్తాయి. ఈ వ్యవహారంపై సీబీఐ కూడా విచారించే అవకాశాలు లేకపోలేవనే మాట వినిపిస్తున్నది.సుశాంత్ కేసులో అనేక అనుమానాలు రేకేత్తడం, సీబీఐ దర్యాప్తు చేస్తున్న సమయంలోనే తాజాగా బాలీవుడ్ హీరోయిన్, అనుమానాస్పద పరిస్థితుల్లో మరణించిన జియాఖాన్‌తో మహేష్ భట్ అతి సన్నిహితంగా ఉన్న వీడియో ప్రస్తుతం మీడియాలో వైరల్ అవుతున్నది. ఈ వీడియోలో కనిపించే జియాకు అప్పుడు 16 ఏళ్లు మాత్రమే. ఇలా ఈ వీడియోలో జియాఖాన్‌ను ఒడిలో పెట్టుకొని అతి సన్నిహితంగా వ్యవహరించడం కనిపించింది.జియా ఖాన్ విషయానికి వస్తే.. రాంగోపాల్ వర్మ రూపొందించిన నిశ్శబ్ద్ చిత్రంతో హిందీ పరిశ్రమలోకి ప్రవేశించారు. 2007లో వచ్చిన ఈ చిత్రంలో అమితాబ్ బచ్చన్‌తో కలిసి జియా ఖాన్ నటించారు. ఆ తర్వాత 2013 జూన్ 3 తేదీన జియా ఖాన్ అనుమానాస్పద పరిస్థితుల్లో ముంబైలోని ఓ ఫ్లాట్‌లో మరణించారు. ఈ కేసులో సూరజ్ పంచోలిపై కేసు నమోదైంది. సూరజ్ తండ్రి ఆదిత్య పంచోలి తన పలుకుబడితో కేసును నీరుగార్చారని జియా ఖాన్ ఇప్పటికీ ఆరోపణలు చేస్తుండటం గమనార్హం.