టాలీవుడ్ సీనియర్ హీరోయిన్ లయ సినీ ప్రియులందరికీ సుపరిచయమే. హోమ్లీ
హీరోయిన్ గా అనేక చిత్రాల్లో నటించిన లయ చాలా మంది ఫ్యామిలీ ఆడియన్స్ కు అభిమాన నటిగా
మారారు. శ్రీకాంత్, బాలయ్య, శివాజీ, వేణు లాంటి హరోలతో లయ అనేక చిత్రాల్లో నటించారు.
కానీ వివాహం తర్వాత లయ తన ఫ్యామిలితో అమెరికాలో సెటిల్ అయ్యారు. ప్రస్తుతం ఆమె తల్లిగా,
భార్యగా హాయిగా జీవనం సాగిస్తున్నారు. తాజాగా ఇచ్చిన ఓ ఇంటర్వ్యూలో లయ సినిమాల్లో తన
రీఎంట్రీ గురించి ఆసక్తికర వ్యాఖ్యలు చేశారు. నటి లయ 2006లో వివాహం చేసుకుని
అమెరికాలో స్థిరపడింది. ఆ తర్వాత సినిమాల్లో నటించలేదు. మధ్యలో బ్రహ్మలోకం టూ యమలోకం
వయా భూలోకం అనే చిత్రంలో ఓ పాత్రలో, గత ఏడాది వచ్చిన రవితేజ చిత్రం అమర్, అక్బర్ ఆంటోని
చిత్రంలో తళుక్కున మెరిసిందంతే. పూర్తి స్థాయిలో నటిగా నటించి చాలా కాలం అవుతోంది.
కాగా ఇటీవల ఓ ఇంటర్వ్యూలో లయ తన టాలీవుడ్ రీ ఎంట్రీ గురించి ఆసక్తికర వ్యాఖ్యలు చేసారు.
తాను తిరిగి సినిమాల్లో నటించడానికి తన భర్తకు, కుటుంబానికి ఎలాంటి అభ్యంతరం లేదని
తెలిపింది. కాకపోతే పెళ్లయ్యాక కాస్త విశ్రాంతి తీసుకోవాలని భావించా. ఆ తర్వాత పిల్లలకు
తల్లి అయ్యా. దీనితో కాస్త కుటుంబ భాద్యతలు పెరిగాయి. కానీ ఇప్పుడిప్పుడే నటిగా సెకండ్
ఇన్నింగ్స్ ప్రారంభించేందుకు ప్రయత్నిస్తున్నాని లయ తెలిపింది. మంచి అవకాశం వస్తే నటిస్తానని
లయ అన్నారు. గత ఏడాది తనకు జూ. ఎన్టీఆర్ నటించిన అరవింద సమేత చిత్రంలో నటించే
అవకాశం వచ్చిందని లయ తెలిపారు. కానీ నా వయసుకు మించిన పాత్ర అని ఆ ఛాన్స్ వదులుకున్నా.
తల్లి, వదిన లాంటి పాత్రలు చేసే వయసు తనకు ఇంకా రాలేదని చాలా మంది దర్శకులే నాతో అన్నారు.
నేనింకా యంగ్ గానే కనిపిస్తున్నానని అన్నారు. అందుకే అలాంటి పాత్రలలో నటించాలంటే కొంత
సమయం పడుతుంది అని లయ తెలిపారు. ఎక్కడో అమెరికాలో జీవనం సాగిస్తున్నా తనపై వస్తున్న
రూమర్స్ ఆశ్చర్యాన్ని కలిగిస్తాయని లయ తెలిపారు. ఆ మధ్యన లయ కారు ప్రమాదానికి గురైనట్లు
వార్తలు వచ్చిన సంగతి తెలిసిందే. తనకేం కాలేదని అప్పట్లో లయ స్వయంగా అభిమానులకు వివరించాల్సి
వచ్చింది. ఫ్యామిలీ ఫొటో ఫేస్‌బుక్‌లో పెట్టాలన్నా భయంగా ఉంటుంది. చిన్న పిల్లల్ని
కూడా వదలడం లేదు. ఏదైనా సినిమాలో చేసినపుడు నటన బాగోకపోతే విమర్శించొచ్చు. వ్యక్తిగతంగా
ఎవరినీ టార్గెట్‌ చేయకూడదు. నేను ఎవర్నీ ఎప్పుడూ బాధపెట్టలేదు, నా వల్ల ఎవరైనా ఇబ్బంది
పడ్డారంటే క్షమాపణలు చెప్పేరకం నేను. అలాంటి నన్ను ఎందుకు టార్గెట్ చేస్తున్నారో అర్థం
కావడం లేదని లయ ఆవేదన వ్యక్తం చేశారు.ఈ మధ్య నేనొక ఇంటర్వ్యూ ఇచ్చా. అందులో
నేను మాట్లాడే తెలుగు బాగోలేదని కొన్ని యూట్యూబ్‌ ఛానెల్స్‌లో రాశారు. కొన్నేళ్లుగా
వేరే ప్రాంతంలో ఉంటున్నప్పుడు యాస మారడం సహజం. అయినా నా మాట తీరు అంత అని స్పష్టం చేసారు.మొత్తంగా
టాలీవుడ్ లో సెకండ్ ఇన్నింగ్స్ కోసం ఎదురుచూస్తున్న లయకు మంచి అవకాశం ఎప్పుడు దొరుకుతుందో
చూడాలి.