అమరావతి: విశాఖపట్నంలో గత ప్రభుత్వ హయాంలో భూ కుంభకోణానికి పాల్పడిన వారిపై కఠిన చర్యలు తీసుకోవాలని భాజపా అధ్యక్షుడు కన్నా లక్ష్మీనారాయణ శనివారం ముఖ్యమంత్రి జగన్మోహనరెడ్డిని కోరారు. తెదేపా ప్రభుత్వం ఈ భూ కుంభకోణాన్ని విచారించి నేరగాళ్లను శిక్షించేందుకు ప్రత్యేక దర్యాప్తు బృందాన్ని(సిట్) నియమించిందని గుర్తు చేశారు. దర్యాప్తు నివేదికను మాత్రం గత ప్రభుత్వం బయటపెట్టలేదని విమర్శించారు. దాన్ని బయట పెట్టాలని డిమాండ్ చేశారు. దోషులపై కఠిన చర్యలు తీసుకోవాలని కోరారు.
