ఐజ్వాల్ (మిజోరం) : మిజోరం ప్రభుత్వం అధిక సంఖ్యలో పిల్లలున్నవారికి రూ.లక్ష నగదు బహుమానాన్ని ప్రకటించింది. ప్రశంసా పత్రం, స్మరణికనూ ఇస్తామని పేర్కొంది. దీని గురించి మంత్రి రాబర్ట్ రోమావియా రాయ్టే మాట్లాడారు. ‘ 2011 జనాభా లెక్కల ప్రకారం మిజోరం జనాభా 10,91,014. అతి తక్కువ జన సాంద్రత ఉన్న ప్రాంతంగా పేరొందింది. మిజో జనాభా తగ్గుతుండటం తీవ్ర ఆందోళనకు గురిచేస్తోంది. ఐజాల్ ఈస్ట్ -2 అసెంబ్లీ నియోజకవర్గంలో అత్యధిక సంఖ్యలో సంతానం ఉన్న సజీవ పురుషుడు, లేదా స్త్రీకి రూ. లక్ష నగదు బహుమతిని ఇస్తాం. ప్రోత్సాహక బహుమతి ఖర్చును తన కుమారుడి యాజమాన్యంలోని నిర్మాణ కన్సల్టెన్సీ సంస్థ భరిస్తుంద’ని వివరించారు.
