ఆపదలు,అవసరాలు మనిషిలో నిద్రాణస్థితిలో ఉన్న మెళకువలను,ప్రతిభను తట్టిలేపుతాయనొ ఓ కుర్రాడు వెనుక దాడి చేయడానికి సిద్ధమైన ఎగులుబంటి నుంచి తప్పించుకున్న తీరుతో మరోసారి రుజువైంది.ఇటలీలోని ఓ ప్రాంతంలో అలెశాండ్రో అనే ఓ 12 ఏళ్ల బాలుడు గ్రంథాలయం నుంచి ఇంటికి వెళుతున్నాడు.దారి మధ్యలో చెట్ల పొదలు దాటుతున్న సమయంలో ఓ భారీ ఎలుగుబంటి బాలుడిని వెనుకవైపు వెంబండించసాగింది.ఇది గమనించిన బాలుడు అంతకుముందు క్రూరమృగాలు తారసపడితే ఎలా తప్పించుకోవాలో పుస్తకాల్లో రాసిన సూచనలు గుర్తు చేసుకొని వాటిని అనుసరించి తెలివిగా ఎలుగుబంటి నుంచి తప్పించుకున్నాడు. వెంటనే తాను చదివిన పుస్తకంలో మాదిరిగా ఓ ప్రొఫెషనల్‌గా మెల్లగా నడుస్తూ ఎలాంటి ఒత్తిడికి లోనవకుండా నడుస్తూ వచ్చాడు. పిల్లాడిపై ఎలుగుబంటి దాడిచేయడం ఖాయం అనుకొంటుండగా.. కొద్ది దూరం అలాగే వెంబడించిన ఆ ఎలుగుబంటి.. కొద్దిసేపటి తర్వాత తన దిశ మార్చుకొని మరోవైపు వెళ్లిపోయింది. ఈ వీడియోను లోరిస్‌ కాలియారి అనే వ్యక్తి ట్విట్టర్‌లో పోస్ట్ చేశారు. అలెశాండ్రో ధైర్యంగా నడుచుకుంటూ వచ్చిన ఆ సమయంలో తానే సాక్షిగా ఉన్నానని, ఈ వీడియోను ఇటలీలోని ప్రసిద్ధ హైకింగ్‌ స్పాట్‌ అయిన స్పోర్మినోర్‌ వద్ద తీసినట్లు లోరిస్‌ కాలియారి చెప్పారు. ఆ వీడియో ఇప్పుడు సోషల్‌ మీడియాలో వైరల్‌గా మారింది.
A voi il mio incontro con @‘orso di sta mattina sopra la malga Sporminore… pic.twitter.com/VN6QmAV9oV
— Loris Calliari (@loriscalliari) May 24, 2020
