విశాఖ ఎయిర్ పోర్టులో వైసీపీ అధ్యక్షుడు జగన్మోహన్ రెడ్డిపై దాడి కేసులో ఏపీ ప్రభుత్వానికి హైకోర్టులో ఎదురుదెబ్బ తగిలింది. ఎన్ఐఏ దర్యాప్తుపై స్టే ఇవ్వడానికి ఉన్నత న్యాయస్థానం నిరాకరించింది. ఈ కేసులో 30వ తేదీలోపు కౌంటర్ దాఖలు చేయాలని కేంద్రాన్ని ఆదేశించింది. అలాగే దర్యాప్తు ఫైళ్లను కోర్టు ముందు ఉంచాలని జాతీయ దర్యాప్తు సంస్థకు ఆదేశాలు జారీ చేసింది. తదుపరి విచారణను ఈ నెల 30కి వాయిదా వేసింది. కోడికత్తి కేసును ఎన్ఐఏకు అప్పగించడాన్ని సవాల్ చేస్తూ.. హైకోర్టులో ఏపీ సర్కార్ పిటిషన్ దాఖలు చేసిన విషయం తెలిసిందే. దీనిపై సోమవారం ప్రభుత్వం తరఫున అడ్వకేట్ జనరల్ వాదనలు వినిపించారు.