ప్రస్తుతం చలిగాలులు దేశవ్యాప్తంగా ప్రజలను వణికిస్తున్నాయి.ఉత్తరభారతంలో ముఖ్యంగా ఢిల్లీలో చలిగాలుల ప్రభావంతో ప్రజలు ఉదయం పది గంటలు దాటినా ఇళ్ల నుంచి బయటకు అడుగుపెట్టలేని పరిస్థితులు నెలకొన్నాయి.ఉదయం పది దాటినా తగిన రక్షణ లేకుండా మనుషులు బయటకు రాలేకపోతున్నారు.ఈ నేపథ్యంలో ఓ రిక్షావాలా చలికి వణుకుతున్న తన పెంపుడు కుక్కపై చూపిన ప్రేమ,అక్కర నెటిజన్ల మనసులు దోచుకుంది.నిత్యం తనవెంటే తిరిగే కుక్కకు కూడా చలివేస్తుందని, అది కూడా బాధపడుతుందని తెలుసుకున్నాడు. దానికోస ప్రత్యేకంగా ఓ దుప్పటి సేకరించాడు.చలి నుంచి , రక్షణకు తనెన్ని జాగ్రత్తలు తీసుకున్నాడో, కుక్కకు ఆ దుప్పటి చుట్టి అంతే సంరక్షణ కల్పించాడు.ఈ దృశ్యాన్ని ఓ ఔత్సాహికుడు ఫొటో తీసి సామాజిక మాధ్యమాల్లో ఉంచడంతో దీన్ని చూసి నెటిజన్లు ఫిదా అవుతున్నారు. రిక్షావాలా మానవత్వాన్ని ప్రశంసలతో ముంచెత్తుతున్నారు.
zoom in on the rickshaw and thank the heavens later pic.twitter.com/PFDvrlwxGw
— hayat ✨ (@sevdazola) January 2, 2020