న్యూఢిల్లీ: మంగళవారం ఉదయం 9 గంటల వరకు మన దేశంలో కరోనా పీడితుల సంఖ్య 4,421కి చేరింది. మరణాల సంఖ్య 114కు పెరిగింది. 325 మంది బాధితులు కరోనా నుంచి కోలుకుని ఆసుపత్రుల నుంచి విడుదలయ్యారు. గత 24 గంటల్లో 354 మంది ఈ వ్యాధికి గురయినట్లు గుర్తించారు. ఐదు గురు మృతి చెందారు. ముంబైలో మరో 26 మంది వైద్య సిబ్బందికి కరోనా సోకింది. మహారాష్ట్రలో దేశంలోనే అత్యధికంగా 45 మంది ప్రాణాలు కోల్పోయారు. మధ్యప్రదేశ్ లో కూడా వైరస్ తీవ్రత పెరుగుతోంది.