తన చిత్రాల మార్కెట్‌
పెంచడం కోసం బొమన్‌ ఇరానీ,ఉపేంద్ర వంటి పరభాష నటులను టాలీవుడ్‌కు దిగుమతి చేసుకున్న
దర్శకుడు త్రివిక్రమ్‌ శ్రీనివాస్‌ తాజాగా మరొ బాలీవుడ్‌ విలక్షణ నటుడిని టాలీవుడ్‌కు
దిగుమతి చేసుకోవడానికి ప్రయత్నిస్తున్నట్లు సమాచారం.అల్లు అర్జున్‌తో తెరకెక్కించనున్న
కొత్త చిత్రంలో ఓ కీలక పాత్రం కోసం విలన్‌గా,సపోర్టింగ్‌ క్యారెక్టర్‌గా పలు సినిమాల్లో
నటించి మెప్పించిన నానా పాటేకర్‌ను ఒప్పించడానికి త్రివిక్రమ్‌ ప్రయత్నిస్తున్నట్లు
సమాచారం.ప్రస్తుతం నానాతో సంప్రదింపులు జరుపుతున్నారని త్వరలోనే దీనిపై క్లారిటీ వచ్చే
అవకాశం ఉందని తెలుస్తోంది.అల్లు అర్జున్‌తో తెరకెక్కించనున్న ఈ చిత్రం హాలీవుడ్‌ రొమాంటిక్‌
చిత్రం ఇన్వెన్షన్‌ ఆఫ్‌ లైయింగ్‌ అనే చిత్రానికి రీమేక్‌ అనే వార్తలు వినిపిస్తున్నాయి.గత
ఏడాది విడుదలైన రజనీకాంత్‌ చిత్రం కాలా చిత్రంలో విలన్‌గా నటించి నానా పాటేకర్‌ దక్షిణాదిలోకి
ఎంట్రీ ఇచ్చిన విషయం తెలిసిందే..