అమరావతి: ఆంధ్రప్రదేశ్ ప్రభుత్వం కీలక నిర్ణయం తీసుకుంది. పాలనా వికేంద్రీకరణ చట్టం విషయంలో వెనక్కి తగ్గింది. ఈ అంశాన్ని అడ్వొకేట్ జనరల్ శ్రీరామ్ ఏపీ హైకోర్టుకి నివేదించారు. హైకోర్టులో ఈ చట్టాల మీద విచారణ సాగుతోంది. అనేక మంది అభ్యంతరాలు వేస్తూ పిటీషన్లు వేయడంతో నవంబర్ 15 నుంచి రోజువారీ విచారణ ప్రారంభమయ్యింది.ఈ నేపథ్యంలో ప్రభుత్వ నిర్ణయం ఆసక్తిగా మారింది. ఈ చట్టాన్ని కొన్ని సవరణలతో మళ్లీ ప్రవేశపెట్టే అవకాశం ఉందనే ప్రచారం సాగుతోంది. తొలుత పాత చట్టాన్ని రద్దు చేస్తూ ఓ బిల్లు ప్రవేశపెట్టాలసి ఉంది. ప్రస్తుతం మంత్రి వర్గ సమావేశంలో ఈ అంశంపై చర్చిస్తోంది. ఆ ముసాయిదాను ఈ అసెంబ్లీ సమావేశాల్లో ప్రవేశపెట్టబోతున్నట్టు చెబుతున్నారు. డిసెంబర్ 19 , 2019లో మూడు రాజధానుల అంశంపై ముఖ్యమంత్రి జగన్ ప్రకటన చేశారు. 2020 జనవరి లో జరిగిన అసెంబ్లీ సమావేశాల్లో చట్టం చేశారు.ఆ తర్వాత అదే సంవత్సరం ఆగష్టులో చట్టంగా మారింది. దీనిపై అనేక అభ్యంతరాలు వచ్చాయి. కోర్టులో విచారణ సాగుతోంది.