ముంబై: శాసన మండలి ఎన్నికల్లో ప్రతిపక్ష బీజేపీకి గట్టి షాక్ తగిలింది. ఆరు స్థానాల్లో ఒక్క చోటే ఆ పార్టీ గెలిచింది. అధికార శివసేన – ఎన్సీపీ కాంగ్రెస్ కూటమి నాలుగు స్థానాల్లో విజయాన్నిసాధించింది. ఇండిపెండెంట్ అభ్యర్థి ఒక స్థానాన్ని గెలుచుకున్నారు. ఈ నెల ఒకటిన మూడు పట్టభద్ర, రెండు ఉపాధ్యాయ, ఒక స్థానిక సంస్థల స్థానాలకు ఎన్నికలు జరిగాయి. ఔరంగాబాద్, పుణె పట్టభద్రుల స్థానాలను ఎన్సీపీ గెలుచుకుంది. భాజపాకు బలమున్న నాగపూర్ పట్టభద్రుల స్థానాన్ని కాంగ్రెస్ కైవసం చేసుకుంది.
