தமிழக தமாகா தலைவர் ஜி.கே.வாசன் நேற்று வெளியிட்டுள்ள அறிக்கையில் கூறியிருப்பதாவது: தமிழக பாஜ தலைவராக நியமிக்கப்பட்டுள்ள எல்.முருகனுக்கு தமாகா சார்பில் வாழ்த்துகளை தெரிவித்துக்கொள்கிறேன். அவர் பாஜவில் உறுப்பினரானது முதல் தொடர்ந்து கடின உழைப்பை மேற்கொண்டு படிப்படியாக பல்வேறு பொறுப்புகளில் சிறந்து விளங்கி இப்போது தலைமைப் பொறுப்பில் இடம் வகிப்பது பாராட்டுக்குரியது. தமிழக பாஜ தலைவராக நியமிக்கப்பட்டுள்ள எல்.முருகனின் கட்சிப் பணியும், மக்கள் பணியும் சிறக்க வாழ்த்துகிறேன். இவ்வாறு அவர் கூறியுள்ளார்.
