வதோதரா:

ரிமோட் கண்ட்ரோல் மூலம் இயக்கக்கூடிய 35 இலகுரக உள்நாட்டு விமான மாதிரிகளை 17 வயது சிறுவன் ஒருவன் உருவாக்கி அசத்தியுள்ளான்.

குஜராத் மாநிலம் வதோதராவில், 10ம் வகுப்பில் அனைத்து பாடங்களிலும் தோல்வியுற்ற பஞ்சால் என்ற மாணவன், பேனர் மற்றும் பதாகைகளை பயன்படுத்தி விமான மாதிரிகள் தயாரித்து அனைவரையும் திகைக்க வைத்துள்ளார்.

இதுகுறித்த மாணவன் பஞ்சால் கூறுகையில், என் தாத்தா அவ்வாறு செய்ய என்னை ஊக்கப்படுத்தினார். நான் 10ம் வகுப்பில் உள்ள 6 பாடங்களிலும் தோல்வியுற்றேன். வீட்டில் சும்மா உட்கார்ந்திருந்தேன். இந்த விமானங்களை தயாரிப்பதற்காக என் வீட்டிற்கு வெளியே உள்ள பேனர்கள் மற்றும் பதாகைகளை நெகிழ்வுத்தன்மையைப் பயன்படுத்தி விமான மாதிரிகளை உருவாக்கினேன் என்று பஞ்சால் கூறினார்.

மேலும், நான் இணையதளத்திலிருந்து குறிப்பை எடுத்து, விமானங்களை உருவாக்கும் அனைத்து வீடியோக்களையும் எனது யூடியூப் சேனலான ‘பிரின்ஸ் பஞ்சல் மேக்கர்’ இல் வெளியிட்டுள்ளேன் எனவும் பஞ்சால் தெரிவித்தார்.