உலகிலேயே மிகவும் சுத்தமான பெட்ரோல் மற்றும் டீசலை, வழங்கும் முதலாவது நாடு என்ற பெருமையை இந்தியா பெற உள்ளது.

வரும் ஏப்ரல் ஒன்றாம் தேதியில் இருந்து நாடு முழுதும் பி.எஸ். 6 தரத்திலான ( BS-VI) பெட்ரோல், டீசல் மட்டுமே விற்கப்பட உள்ளது.  வாகனங்கள் வெளியிடும் புகையால் முக்கிய நகரங்கள் உள்ளிட்ட நாட்டின் பெரும்பான்மையான இடங்கள் மாசுபடுவதை தடுக்கும் நோக்கில் பிஎஸ் 6 தர எரிபொருள் சந்தைப்படுத்தப்படுகிறது

.இதற்காக அனைத்து எண்ணெய் சுத்திகரிப்பு நிலையங்களும் 95 ஆயிரம் கோடி ரூபாய் செலவில் புதிய தொழில்நுட்பத்திற்கு மாற்றப்பட்டுள்ளன.

கடந்த ஆண்டு இறுதியில் பிஎஸ் 6 தர எரிபொருள் உற்பத்தி துவங்கி விட்டதாக  இந்தியன் ஆயில் நிறுவனம் தெரிவித்துள்ளது. அதே சமயம் டெல்லியின் மாசடைதல் நிலைமையை கருத்தில் கொண்டு கடந்த 2018 ஏப்ரல் மாதமே அங்கு பிஎஸ் 6 எரிபொருள் அறிமுகப்படுத்தப்பட்டு விட்டது.