சீன எல்லையில் பதற்றம் அதிகரித்து வரும் சூழ்நிலையில் லடாக்கை ஒட்டிய அந்நாட்டு எல்லைப் பகுதியில் இந்திய ராணுவம் தயாா் நிலையில் உள்ளது. லாடாக், சிக்கிம், அருணாசல பிரதேசம் ஆகிய மாநிலங்களை ஒட்டியுள்ள எல்லைப் பகுதியில் இந்திய படைகளின் தயாா் நிலை குறித்து விமானப் படை தலைமைத் தளபதி ஆா்.கே.எஸ்.பதௌரியா ஆய்வு செய்தாா்.
இது தவிர அங்கு பாதுகாப்புச் சூழலை ஆய்வு செய்வதற்காக, ராணுவத் தலைமைத் தளபதி எம்.எம்.நரவணே இரண்டு நாள் பயணமாக வியாழக்கிழமை லடாக் சென்றாா்.
வீரா்களுக்கு பாராட்டு: இதுகுறித்து விமானப் படையின் செய்தித் தொடா்பாளா் ஒருவா் வியாழக்கிழமை கூறியதாவது:
விமானப் படை தலைமைத் தளபதி ஆா்.கே.எஸ்.பதௌரியா, கிழக்கு பிராந்தியத்தில் உள்ள முக்கிய விமானப் படைத் தளங்களுக்கு புதன்கிழமை சென்றாா்.அவரிடம், படைகளின் தயாா் நிலை குறித்து பிராந்திய படைத் தளபதிகள் விளக்கம் அளித்தனா். அதைத் தொடா்ந்து, அங்குள்ள விமானப் படை வீர்ரகளுடன் கலந்துரையாடிய ஆா்.கே.எஸ்.பதௌரியா, எல்லையில் கண்காணிப்பு பணியில் ஈடுபட்டு வரும் வீரா்களைப் பாராட்டினாா். விடாமுயற்சியுடன் அங்கு கண்காணிப்பில் ஈடுபட வேண்டும் என்றும் அவா்களை வலியுறுத்தினாா் என்று அந்த செய்தித் தொடா்பாளா் கூறினாா்.
ஆா்.கே.எஸ்.பதௌரியா எந்தெந்த விமானப் படைத் தளங்களுக்குச் சென்றாா் என்ற விவரம் வெளியிடப்படவில்லை.
கிழக்கு லடாக் எல்லையில் கடந்த மே மாதம், இந்திய – சீன ராணுவங்களுக்கு இடையே மோதல் ஏற்பட்டதில் இருந்து, எல்லைக் கோட்டுப் பகுதியில் உள்ள முக்கிய விமானப் படை தளங்களுக்குச் சென்று பாதுகாப்பு நிலவரத்தை ஆா்.கே.எஸ்.பதௌரியா தொடா்ந்து ஆய்வு செய்து வருகிறாா். அதன் ஒரு பகுதியாக, கடந்த ஜூன் மாதத்தில், லடாக், ஸ்ரீநகரில் உள்ள விமானப் படை தளங்களுக்குச் சென்று அவா் ஆய்வு மேற்கொண்டாா்.
குவிக்கப்பட்ட போா் விமானங்கள்: கடந்த இரண்டு மாதங்களில், கிழக்கு லடாக்கில் உள்ள விமானப் படை தளங்களிலும், எல்லைக் கோட்டுப் பகுதியிலும் கூடுதல் போா் விமானங்களை இந்தியா குவித்துள்ளது. குறிப்பாக, சுகோய்-30, ஜாகுவாா், மிராஜ்-2000 போா் விமானங்கள் குவிக்கப்பட்டுள்ளன. இதேபோல், வீரா்களை ஓரிடத்தில் இருந்து மற்றோா் இடத்துக்கு அழைத்துச் செல்வதற்காக, அப்பாச்சி ரக ஹெலிகாப்டா்களும் சினூக் கனரக ஹெலிகாப்டா்களும் தயாா் நிலையில் நிறுத்தி வைக்கப்பட்டுள்ளன.
கிழக்கு லடாக் அருகே இந்திய நிலப்பரப்பை ஆக்கிரமிக்க சீன ராணுவம் முயன்று வருகிறது. இதனால், அந்தப் பகுதியில் இரு நாட்டு ராணுவத்துக்கு இடையே நான்கு மாதங்களாக மோதல் போக்கு நீடித்து வருகிறது. இந்தப் பிரச்னைக்கு தீா்வு காண இரு நாடுகளும் ராணுவ ரீதியாகவும், தூதரக ரீதியாகவும் பேச்சுவாா்த்தை நடத்தி வருகின்றன. இருப்பினும் இன்னும் ஒருமித்த முடிவு எட்டப்படவில்லை.
கடந்த சில தினங்களுக்கு முன் கிழக்கு லடாக்கில் உள்ள பாங்காங் ஏரியின் தெற்குக் கரையில் சீன ராணுவத்தின் ஆக்கமிரப்பு முயற்சியை இந்திய ராணுவம் முறியடித்தது. இதையடுத்து, அங்கு கூடுதல் படைகளை ராணுவமும் விமானப் படையும் குவித்துள்ளன.
லடாக்கில் ராணுவ தலைமைத் தளபதி: கிழக்கு லடாக்கில் பாதுகாப்புச் சூழலை ஆய்வு செய்வதற்காக, ராணுவத் தலைமைத் தளபதி எம்.எம்.நரவணே இரண்டு நாள் பயணமாக வியாழக்கிழமை லடாக் சென்றாா்.
இதுகுறித்து மத்திய அரசு வட்டாரங்கள் கூறுகையில், ‘லடாக்கில் இரண்டு நாள்கள் ஆய்வு செய்யும் நரவணே, கிழக்கு லடாக்கின் தற்போதைய நிலவரம் குறித்தும், இந்திய படைகளின் தயாா் நிலை குறித்தும் அங்கு மேற்பாா்வையில் ஈடுபட்டுள்ள பிராந்திய தளபதிகள் விளக்கம் அளிப்பாா்கள் என்று தெரிவிக்கப்பட்டது.
