நாடுமுழுவதும் மக்களவைத் தேர்தல் 7 கட்டமாக நடந்து முடிந்துள்ளது. தேர்தலின் போது பல்வேறு சர்ச்சைகளுக்கு உண்டான நிலையில், சில தொகுதிகளில் மறுவாக்குப்பதிவும் நடைபெற்றது.

மேற்கு வங்கத்தில் பா.ஜ.,வுக்கும் திரிணாமுல் காங்கிரசுக்கும் பிரச்சாரக்கூட்டத்தில் கலவரம், கல்வீச்சு, சிலை உடைப்பு போன்றவைகள் நடந்தன.

தமிழகத்தில் மக்கள் நீதி மய்யம் தலைவர் கமல்ஹாசன் கோட்சே பற்றிய சர்ச்சை கருத்துக்கு நாடுமுழுவதும் பெரும் தலைவர்களின் கண்டனத்துக்குள்ளானார்.

இந்நிலையில், தேர்தலுக்கு பிந்தைய கருத்துக்கணிப்பை தனியார் தொலைக்காட்சி உள்ளிட்ட ஊடகங்கள் வெளியிட்டுள்ளன.

தமிழகத்தில்…

டைம்ஸ் நவ் வெளியிட்டுள்ள கருத்துக்கணிப்பில், திமுக கூட்டணி 29 தொகுதிகளிலும், அதிமுக கூட்டணி 9 தொகுதிகளிலும் வெற்றிபெரும் என தெரிவித்துள்ளது.

என்டிடிவி வெளியிட்டுள்ள கருத்துக்கணிப்பில், திமுக கூட்டணி 25 தொகுதிகளிலும், அதிமுக கூட்டணி 12 தொகுதிகளிலும், மற்றவை ஒரு தொகுதிகளிலும் வெற்றி பெறும் என தெரிவித்துள்ளது.

இந்தியா டுடே கருத்துக்கணிப்பில், திமுக கூட்டணி 34 முதல் 38 தொகுதிகளும், அதிமுக கூட்டணி 4 தொகுதிகள் வரையிலும் வெற்றிபெறும் என தெரிவித்துள்ளது.
புதிய தலைமுறை கருத்துக்கணிப்பில், திமுக கூட்டணிக்கு 34 தொகுதிகள் கிடைக்க வாய்ப்பிருப்பதாகவும் தெரிவித்துள்ளது.