பெங்களூரு:

பெங்களூருவில் புதிய கட்டிடம் சரிந்து விபத்து ஏற்படுத்தியுள்ளது. இதில் 8 பேர் இறந்திருக்கலாம் என தகவல் வெளியாகியுள்ளது.

கர்நாடகாவின் பெங்களூரு புலிகேசி நகரில் புதிய கட்டடம் கட்டுமானம் நடைபெற்று வந்தது. இந்த கட்டிடம் இன்று காலை 6 மணியளவில் திடீரென இடிந்து விழுந்து விபத்துக்குள்ளானது.

தகவலறிந்து விரைந்து வந்த தீயணைப்பு படையினர் மீட்புபணியில் இறங்கியுள்ளனர். இந்த விபத்தில் 8 பேர் வரி உயிரிழந்திருக்கலாம் என தகவல்கள் தெரிவிக்கின்றன. ஒருவரின் சடலத்தை மீட்டுள்ள நிலையில், மேலும் பலர் இடிபாடுகளில் சிக்கியுள்ளதாக தகவல் தெரிவிக்கிறது.

இதுவரை இடிபாடுகளில் சிக்கிய 8 பேரை மீட்டு பலத்த காயங்களுடன் அருகில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளனர். இடிபாடுகளில் சிக்கியுள்ளவர்களை மீட்கும் பணியில்தீயணைப்புத் துறை மற்றும் மாநில பேரிடர் நிவாரணப் படையினர் ஈடுபட்டுள்ளனர்.

மேலும் மருத்துவக் குழுவும் ஏற்கனவே சம்பவ இடத்தை அடைந்துள்ளனர்.