సెయింట్‌ లూసియా: ఇంగ్లండ్‌-వెస్టిండీస్‌ జట్ల మధ్య బుధవారం ముగిసిన మూడో టెస్టులో ఓ రికార్డు నమోదైంది. ఇరు జట్ల బౌలర్లు కలిపి మొత్తం 38 వైడ్లు విసిరారు.
2008 జూన్‌లో బ్రిడ్జిటౌన్ వేదికగా జరిగిన మ్యాచ్‌లో విండిస్-ఆస్ట్రేలియా బౌలర్లు కలిపి మొత్తం 34 వైడ్లు విసిరారు. తాజా మ్యాచ్‌లో భాగంగా నాలుగో
రోజు ఆటలో వెస్టిండీస్‌ బౌలర్‌
 కీమర్‌ రోచ్‌ ఐదో ఐదో బంతిని వైడ్‌గా వేశాడు. అది రోచ్‌కు ఇన్నింగ్స్‌లో రెండో వైడ్‌. దాంతో గత వైడ్ల రికార్డు సమం అయ్యింది. ఆపై వెస్టిండీస్‌ రెండో ఇన్నింగ్స్‌లో ఇంగ్లండ్‌ బౌలర్‌ మార్క్‌ వుడ్‌ 14వ ఓవర్‌లో వైడ్‌ వేశాడు. దీంతో
35 వైడ్లతో రికార్డు నెలకొంది. ఆ తర్వాత ఇంగ్లండ్‌ మరో మూడు వైడ్లు వేయడంతో మొత్తంగా 38 వైడ్లు పడ్డాయి. రెండు
ఇన్నింగ్స్‌లలో  వెస్టిండీస్‌ 24 వైడ్లు వేయగా, ఇంగ్లండ్‌ 14 సంధించింది. ఇక అత్యధిక వైడ్లు వేసిన జాబితాలో మూడో స్థానంలో దక్షిణాఫ్రికా-భారత్‌ జట్లు నిలిచాయి. గతేడాది జోహనెస్‌బర్గ్‌ వేదికగా జరిగిన టెస్టులో ఇరు జట్లు 33 వైడ్లు విసిరాయి. 
వైడ్ల రూపంలో ఎక్కువ ఎక్స్‌ట్రా పరుగులిచ్చిన రెండు టెస్టుల్లోనూ వెస్టిండీస్ ఉండడం
విశేషం.