న్యూ ఢిల్లీ: ప్రఖ్యాత బాలీవుడ్ నటి,నర్తకి, తెలుగు నాట పుట్టిన వహీదా రెహమాన్ కు ఈ ఏడాది దాదా సాహెబ్ ఫాల్కే జీవన సాఫల్య పురస్కారం లభించింది. భారతీయ చలనచిత్ర రంగానికి చేసిన కృషికి గుర్తుగా ఆమెకు ఈ అవార్డును బహూకరించనున్నట్లు కేంద్ర సమాచారశాఖ మంత్రి అనురాగ్ ఠాకూర్ మంత్రి వెల్లడించారు. వహీదా రెహమాన్ వయసు 85 ఏళ్లు. 69వ జాతీయ ఫిల్మ్ అవార్డ్స్ కార్యక్రమంలో వహీదాకు ఫాల్కే అవార్డును అందజేయనున్నారు. దాదా సాహెబ్ ఫాల్కే అవార్డు కమిటీలోని అయిదుగురు సభ్యులు వహీదా రెహమాన్ పేరును ఏకగ్రీవంగా ఎన్నుకున్నారు. ప్యాసా , కాగజ్ కే ఫూల్ , చౌదవి కా చాంద్, సాహెబ్ బీవీ ఔర్ గులామ్ , గైడ్, ఖామోషి, ఢిల్లీ 6 చిత్రాలతో వహీదా రెహమాన్ మంచి గుర్తింపు తెచ్చుకుంది. చివరిసారిగా కమల్ హాసన్ విశ్వరూపం స్కేటర్ గర్ల్ సినిమాలో వహీదా అతిథి పాత్రలో మెరిసింది. ప్రస్తుత నివాసం బెంగళూరు.
