డేటింగ్ యాప్‌లతో ఇప్పటివరకు ఎదురైన ప్రమాదాల ఘటనల గురించి మాత్రమే విన్నాం కానీ మొదటిసారి డేటింగ్ యాప్ ఓ మహిళతో పాటు మరొక వ్యక్తిని ప్రాణాపాయం నుంచి రక్షించిన ఘటన మొదటిసారి వెలుగు చూసింది. లోనియా హెగర్ అనే ఆవిడకు సాహస యాత్రలు అంటే ఇష్టం. తన ఇష్టానికి తగ్గట్లు తన ఫ్రెండ్‌తో పాటు ఒక కుక్కను తీసుకొని బయలుదేరింది. తన యాత్రలో భాగంగా జర్మనీ.. డెన్మార్క్.. స్వీడన్.. ఫిన్లాండ్.. నార్వే యాత్ర కు బయలుదేరింది. జర్నీ స్టార్ట్ అయినప్పుడు బాగానే ఉంది కానీ యూరప్ ఉత్తర ప్రాంతానికి చేరుకున్నాక కొత్త కష్టాలు ఎదురయ్యాయి.నార్వేలో రోడ్లు మంచుతో మూసుకుపోయాయి.దీనికి తోడు భారీ వర్షాలు కురుస్తున్నాయి.రోడ్లు బాగు పడ్డాయని అనుకొని కారులో పది అడుగులు వేశారో లేదో సముద్రంలో పడిపోయే పరిస్థితి ఎదురైంది.అదే సమయంలో మంచు పెళ్లలు వారి వాహనం మీద పడటం మొదలైంది. ముందుకు వెళ్ల లేరు.. వెనక్కి పోలేని దుస్థితి. ఇలానే ఉంటే తమ ప్రాణాలు పోవటం ఖాయమని భావించిన వేళ.. అనూహ్యంగా ఆమె ఫ్రెండ్‌కు ఒక ఆలోచన వచ్చింది.డేటింగ్ యాప్ అయిన టెండర్ లో ప్రొఫైల్ ను అర్జెంట్‌గా అప్ లోడ్ చేయాలన్న సూచనతో హెగర్ తన ప్రొఫైల్ అప్ లోడ్ చేసింది. వెంటనే అక్కడికి సమీపంలోని ఒక వ్యక్తి అకౌంట్ కు మ్యాచ్ అయ్యింది.అతగాడు వెంటనే లైన్లోకి రావటం.. ఆమె తాను ఉన్న పరిస్థితిని వివరించటం తో ఆమెను రక్షించేందుకు వీలుగా తన బుల్ డోజర్ ను తీసుకొని ఆమె ఉన్న ప్రాంతానికి వచ్చాడు. అలా తన ప్రాణాల్ని డేటింగ్ యాప్ రక్షించినట్లుగా హెగర్ తాజాగా తన ఇన్ స్టాలో పేర్కొంది. ఇప్పుడీ ఉదంతం వైరల్ గా మారింది.
