టోక్యో : జపాన్కు చెందిన నేషనల్ ఇన్స్టిట్యూట్ ఆఫ్ ఇన్ఫర్మేషన్ అండ్ కమ్యూనికేషన్స్ టెక్నాలజీ పరిశోధకులు ఇంటర్నెట్ లో -319 టెరాబైట్స్ పర్ సెకండ్స్ స్పీడ్ సాధించారు. ఇది అమెరికాలోని సగటు ఇంటర్నెట్ స్పీడ్కంటే 7.6 మిలియన్ రెట్లు ఎక్కువ. దీని ప్రకారం ఒక్క సెకండ్లోనే 80,000 మూవీస్ వరకు డౌన్లోడ్ చేసుకోవచ్చు. ఒక టీబీ అంటే 1000 జీబీ. నాలుగు ప్రధాన భాగాలతో తయారు చేసిన ఆప్టికల్ ఫైబర్ను లేజర్తో అనుసంధానం చేసి, వేర్వేరు వేవ్లెంత్స్ ఉపయోగించి ఈ టెక్నాలజీని తయారు చేశారు. ఈ ఇంటర్నెట్ ఇదే స్పీడ్తో దాదాపు 2896 కిలోమీటర్ల దూరం ప్రయాణించగలదు. అయితే, ఈ టెక్నాలజీ వాడటం చాలా ఖరీదైన వ్యవహారం.