కీవ్: ఉక్రెయిన్ లోని లివ్ పట్టణానికి చెందిన ప్రావ్డా బీర్ల తయారీకి ప్రసిద్ధి. ఇప్పుడు ఆ కంపెనీ రష్యా యుద్ధాన్ని అడ్డుకునేందుకు పోరాడుతున్న ఉక్రెయిన్ దళాలకు మద్దతుగా ‘మొలటోవ్ కాక్ టెయిల్’బాంబులను సరఫరా చేస్తోంది. మొలటోవ్ కాక్ టెయిల్ గాజు సీసాలో ఉంటుంది. కాక్ టెయిల్ ది పెట్రోల్, ఆల్కహాల్ మాదిరే మండే స్వభావం. సీసా మూత భాగంలో ఉన్న వస్త్రానికి అగ్గి రాజేసి శుత్రు సేనలపై విసిరి కొడితే అవతలి వారు గాయాల పాలు కావాల్సిందే. ‘ఈ యుద్ధానికి మద్దతుగా మేము మా వంతుగా ప్రతిదీ చేస్తాం. ఎవరో ఒకరు దీన్ని చేయాలి. 2014లోనూ దీన్ని తయారు చేసి వినియోగించిన దాఖలాలున్నాయి. 2014 నాటి పోరులో పాల్గొన్న మా ఉద్యోగి ఒకరికి మెలటోవ్ కాక్ టెయిల్ తయారీ గురించి తెలుసు. అందుకే దీన్ని తయారు చేయడం మొదలు పెట్టాం’ అని ప్రావ్డా బ్రూవరీ యజమాని యూరీ జాస్టనీ తెలిపారు.
