లక్నో : ఉపగ్రహ విధ్వంసక క్షిపణి ప్రయోగం విజయవంతం కావడాన్ని
ప్రధాని నరేంద్ర మోదీ తన సొంత విజయంగా ప్రచారం చేసుకోజూస్తున్నారని బీఎస్పీ అధినేత్రి
మాయావతి విమర్శించారు. బుధవారం భారత శాస్త్రవేత్తలు ఈ క్షిపణి ప్రయోగాన్ని విజయవంతం
చేసిన సంగతి తెలిసిందే. దీనిపై కూడా ప్రదాని రాజకీయాలు చేస్తున్నారంటూ మాయావతి మండిపడ్డారు.
ఈ క్షిపణి సామర్థ్యాన్ని భారత్‌ నిరూపించుకుందంటూ మోదీ ప్రకటించిన కొద్ది సేపటికే ఆమె
ట్విటర్‌ వేదికగా స్పందించారు. అంతరిక్షంలోని ఓ ఉపగ్రహాన్ని కూల్చివేసే ప్రయోగాన్ని
విజయవంతంగా నిర్వహించినందుకు మన శాస్త్రవేత్తలకు అభినందనలు. అయితే మోదీ దీనిని కూడా
ఎన్నికల్లో లబ్ధి పొందడానికి ఉపయోగించుకోవడాన్ని ఖండిస్తున్నాం. ఎన్నికల సంఘం దీనిపై
చర్యలు తీసుకోవాలి..అని ఆమె డిమాండ్‌ చేశారు.
