శ్రీ నగర్ : తనను కేంద్రం మళ్లీ చట్ట విరుద్ధంగా అదుపులోకి తీసుకుందని పీడీపీ నేత, మాజీ ముఖ్యమంత్రి మెహబూబా ముఫ్తీ శుక్రవారం ఇక్కడ మండి పడ్డారు. కుమార్తె ఇల్తిజాను గృహ నిర్భంధం చేశారని ఆగ్రహం వ్యక్తం చేశారు. ‘కేంద్రం మళ్లీ నన్ను చట్టవిరుద్ధంగా అదుపులోకి తీసుకుంది. పుల్వామాలో ఉంటుంన్న పారావహీద్ కుటుంబాన్ని పరామర్శించడానికి రెండు రోజులుగా నిరాకరిస్తున్నారు. బీజేపీ, వారి తోలు బొమ్మలు రాష్ట్రంలో ప్రతి మూలనా తిరగడానికి అనుమతినిస్తున్నారు. నా విషయంలోనే కేంద్రానికి భద్రత గుర్తొస్తోంద’ని మండి పడ్డారు. పీడీపీ యువజన విభాగం అధ్యక్షుడు వహీద్ పర్రాను పోలీసులు అరెస్ట్ చేశారు. హిజ్బుల్ ముజాహిదీన్ కమాండర్ నవీద్ బాబుతో సంబంధం ఉందని టెర్రర్ కేసులో పోలీసులు అరెస్టు చేసారు.
