బాలనటిగా చిత్ర పరిశ్రమలోకి అడుగుపెట్టి అనంతరం అందం,అభినయంతో తెలుగుతో పాటు దక్షణాదిలోని అన్ని పరిశ్రమల్లో క్రేజ్‌ తెచ్చుకున్న గత తరం హీరోయిన్‌ మీనా ఇన్నేళ్లలో ఎప్పుడూ హద్దులు దాటి అందాల ప్రదర్శన చేయడం,ద్వంద్వార్థాల దృశ్యాల్లో నటించడం,డైలాగులు చెప్పడం చూడలేదు.అయితే తాజాగా ఓ బోల్డ్ కంటెంట్ ఉన్న తమిళ వెబ్ సిరీస్‌లో నటించిన మీనా అందులో రెచ్చిపోయి నటించినట్టు కనిపిస్తోంది. అమాయకంగా ఉంటే నవ్వులు పూయిస్తూ.. తిట్ల దండకంతో రెచ్చిపోయినట్లు కనిపిస్తోంది.‘కరోలిన్ కామాక్షి’ అనే పేరుతో రూపొందుతున్న ఈ వెబ్ సిరీస్ లో మీనా బూతులు తిడుతూ ఉండడం అందరినీ షాక్ కు గురిచేసింది. తాజాగా ఈ వెబ్ సిరీస్ కు సంబందించిన ట్రైలర్ ను విడుదల చేశారు. ఈ ట్రైలర్లో గన్ పట్టుకుని యాక్షన్ సీన్స్‌తో పాటు మద్యం సేవించే సన్నివేశాల్లో కూడా నటించింది.ట్రైలర్ చివర్లో మీనా మద్యం మత్తులో చెప్పే బూతు డైలాగులు వైరల్ అవుతున్నాయి. మీనా ఏంటి ఇలాంటి డైలాగ్‌లు చెప్పడం ఏంటని నెటిజన్లు ఆశ్చర్యపోతున్నారు.
