ముంబై: దేశీయ మార్కెట్ల వ్యాపారాలు సోమవారం భారీ నష్టాలతో ప్రారంభమయ్యాయి. లాక్డౌన్ ఈ నెల 17 వరకు కేంద్రం పొడిగించటం దీనికి కారణంగా భావిస్తున్నారు. ఉదయం 9:45 గంటల సమయంలో సెన్సెక్స్ 1,544 పాయింట్లు దిగజారి 32,154 వద్ద, నిఫ్టీ 451 పాయింట్లు కోల్పోయి 9,047 వద్ద ఉన్నాయి. డాలరుతో రూపాయి మారకం విలువ రూ.74.33 వద్ద ఆగింది. జియో ప్లాట్ఫామ్స్లో;సిల్వర్ లేక్ పెట్టుబడులు పెట్టనుందన్న వార్తతో రిలయన్స్ ఇండస్ట్రీస్ లిమిటెడ్ షేర్లు ఓ దశలో 1.76 శాతం కుంగింది. సిప్లా, సన్ ఫార్మా, డాక్టర్ రెడ్డీస్ ల్యాబ్స్ షేర్లు లాభాల్ని గడించాయి. వేదాంత, హిందాల్కో ఇండస్ట్రీస్, టాటా మోటార్స్, ఐసీఐసీఐ బ్యాంక్, జేఎస్డబ్ల్యూ స్టీల్, ఇండస్ ఇండ్ బ్యాంక్ షేర్లు భారీ నష్టాల్ని చవి చూసాయి.