మూడో అంతస్తు జారిపడ్డ చిన్నారిని ఓ యువకుడు చాకచక్యంగా క్యాచ్ పట్టుకొని కాపాడిన వీడియో ఒకటి సామాజిక మాధ్యమాల్లో వైరల్‌గా మారింది. డామన్‌ డయ్యూలో మంగళవారం రాత్రి ఓ భవనంలోని మూడో అంతస్తు నుంచి రెండేళ్ల బాబు జారిపడిపోతుండడాన్ని స్థానికులు గమనించారు.దీంతో బాలుడినిక్యాచ్ పట్టుకోవాలని చూశారు. ఇంతలో ఆ బాలుడు కిందపడిపోయాడు.ఈ క్రమంలో కింద ఉన్న యువకుల్లో ఒకరు ఆ చిన్నారిని చాకచక్యంగా క్యాచ్ పట్టి ప్రాణాలు రక్షించారు. ఆ బాలుడికి ఏమీ కాకపోవడంతో అందరూ ఊపిరి పీల్చుకున్నారు. ఆ చిన్నారిని క్యాచ్ పట్టగా తీసిన వీడియో బయటకు వచ్చింది.ఈ ఘటన డామన్‌ డయ్యూలో గత రాత్రి సమయంలో చోటు చేసుకుంది. ఆ బాలుడి ప్రాణాలు రక్షించిన యువకులపై నెటిజన్లు ప్రశంసల వర్షం కురిపిస్తున్నారు. కింద ఉన్న యువకులు.. ఆ బాలుడిని గుర్తించకపోతే ఆ చిన్నారి ప్రాణాలు కోల్పోయేవాడు. ఆ బాలుడు మూడో అంతస్థు నుంచి కింద ఎలా పడిపోయాడన్న విషయంపై స్పష్టత రాలేదు.
#WATCH Daman and Diu: A 2-year-old boy who fell from 3rd floor of a building was saved by locals, yesterday, in Daman. No injuries were reported. pic.twitter.com/bGKyVgNhyM
— ANI (@ANI) December 3, 2019
