ముంబై:జమ్ముకశ్మీర్‌లోని పహల్‌గామ్‌లో ఉగ్రవాదులు దారుణానికి ఒడిగట్టిన విషయం తెలిసిందే. దీంతో  ఇండియాలో చిత్రీకరించే సినిమాల్లో పాకిస్థాన్ నటీనటులపై నిషేధం విధించదలచినట్లు ఫెడరేషన్‌ ఆఫ్ వెస్ట్రన్ ఇండియా సినీ ఎంప్లాయిస్ ప్రకటించినట్లు తెలిసింది. ఇదే నిజమైతే.. ప్రభాస్ హీరోగా హను రాఘవపూడి దర్శకత్వంలో తెరకెక్కుతున్న ఫౌజీ సినిమాపై ప్రభావం పడుతుంది. ఎందుకంటే.. ఈ సినిమాలో హీరోయిన్‌గా చేస్తున్న ఇమాన్వీ పాకిస్థాన్‌కు చెందినది కావడమే. ఫౌజీతో పాటు.. వాణీ కపూర్ నటిస్తున్న అబిర్ గులాల్ సినిమా కూడా ఆగిపోయే పరిస్థితులు కనిపిస్తున్నాయి. ఎందుకంటే ఈ సినిమాలో నటిస్తున్న ఫవాద్ ఖాన్‌ కూడా పాకిస్థానీయే. పాకిస్థాన్ నటీనటులపై బ్యాన్‌ పడితే.. ఈ రెండు చిత్రాలు ఆగిపోతాయి. కానీ, సినిమాలు ఆగిపోయినా ఫర్వాలేదు.. పాకిస్థానీ నటీనటులు మాత్రం మాకొద్దు అంటూ డిమాండ్ చేస్తున్నారు