బీజింగ్: వారానికి మూడు – ఆరు కోడి గుడ్లు తింటే గుండెకు సంబంధించిన వ్యాధులు (సీవీడీ) వచ్చే ప్రమాదం తగ్గుతుందని చైనీస్ అకాడమీ ఆఫ్ మెడికల్ సైనెన్స్కు అనుబంధ ఫువాయ్ ఆసుపత్రికి చెందిన జియా ఆమె సహచరులు తమ అధ్యయనంలో గుర్తించారు. తమ దేశంలో గుడ్లు తినేవాళ్లు, సీవీడీకి గురయ్యే వాళ్లు, సాధారణ మరణాలపై అధ్యయనం చేసి ఈ విషయాన్ని తేల్చారు. ఇందులో వారానికి 3 నుంచి 6 గుడ్లు తినే వారికి సీవీడీ వచ్చే అవకాశం చాలా తక్కువగా ఉందని వెల్లడించారు. వారానికి ఒకటి కంటే ఎక్కువ గుడ్లు తినే వారికి సీవీడీ వచ్చే ప్రమాదం 22 శాతం ఉంటే, దాని మరణం సంభవించే అవకాశం 29 శాతం ఉందన్నారు. గుడ్లు ఎక్కువగా తింటే ఇతర సమస్యలు వస్తాయి. ముఖ్యంగా డైటరీ కొలెస్ట్రాల్పై ప్రభావం పడుతుంది. అందువల్ల రోజుకో గుడ్డు తీసుకోవడం ఉత్తమం అని తెలిపారు.
