గయ:‘కమ్యూనిస్టు చైనా వద్ద తుపాకులు, ఆయుధాలు ఉంటే మా వద్ద సత్యం ఉంది. ఆయుధ శక్తి మీద సత్యమే గెలుస్తుందని బౌద్ధ మత గురువు దలైలామా వ్యాఖ్యానించారు. క్రిస్మస్ సందర్భంగా బుధవారం ఇక్కడ విలేఖరులతో మాట్లాడారు. ‘బౌద్ధులు ఎక్కువగా ఉన్న దేశాల్లో చైనా ఒకటి. అక్కడి బౌద్ధులు ఇప్పుడిప్పుడే తాము నమ్మే బౌద్ధమే నిజమైనదనే అభిప్రాయానికి వస్తున్నార’ని చెప్పారు. తన వారసుడి గురించి తొందర పడవద్దని విలేఖరుల్ని ఎదురు ప్రశ్నించారు. ‘ఇప్పుడు నాకు 85 ఏళ్లు. నేను ఆరోగ్యంగానే ఉన్నా’న న్నారు. వచ్చేనెల 6న ఇక్కడ జరగనున్న ఒక కార్యక్రమంలో దాదాపు 50,000 మంది బౌద్ధులను ఉద్దేశించి ఆయన ప్రసంగించనున్నారు.