హైదరాబాద్ : సీనియర్ నటుడు చిరంజీవి నాయకుడుగా ప్రతిష్టాత్మకంగా తెరకెక్కిన సైరా నరసింహారెడ్డి సినిమా గురించి ప్రేక్షకుల నుంచి పాజిటివ్ టాక్ రావడంతో మెగా ఫ్యామిలీలో ఆనందోత్సాహాలు వెల్లివిరిశాయి. బుధవారం విడుదలైన ఈ సినిమా బాగుందన్న టాక్ వచ్చింది. దీంతో మెగాస్టార్ చిరంజీవి, తనయుడు రామ్‌ చరణ్‌ హర్షాతిరేకాలు వ్యక్తం చేశారు. తమ సంతోషాన్ని ట్విటర్ ద్వారా అభిమానులతో పంచుకున్నారు. రామ్‌ చరణ్‌. తన తండ్రి ఆప్యాయంగా ముద్దు పెట్టుకుని ఆలింగనం చేసుకున్న ఫొటోలను ట్విటర్‌లో షేర్ చేశారు. మనకు అన్నీ ఇచ్చేసిన వ్యక్తి అంటూ తండ్రిని ప్రశంసించారు. ‘సైరాతో సూపర్‌హిట్‌ అందించినందుకు తన తండ్రికి ధన్యవాదాలు తెలిపారు. సైరా నరసింహారెడ్డి సినిమాలో చిరంజీవి ఒదిగిపోయారని, అందరినీ మెప్పించారని సమీక్షకులు పేర్కొన్నారు. అంచనాలకు తగినట్టుగా సినిమా ఉందని అంటున్నారు. తమ హీరో సినిమా బాగుందన్న టాక్‌తో మెగా ఫ్యాన్స్ సంబరాలు అంబరాన్ని అంటాయి.
