ముంబై: కరోనా కాలంలో భోజన ప్రియులు బిర్యానీ పై అమితంగా ఆసక్తి చూపారు. దేశవ్యాప్తంగా ఆన్లైన్లో అధిక శాతం ఆర్డర్ చేసిన వాటిలో బిర్యానీకి మొదటి స్థానం దక్కింది. స్విగ్గీ నివేదిక ప్రకారం బిర్యానీ కోసం దాదాపు 5.5 లక్షల ఆర్డర్లు వచ్చాయి. ఆ తరువాత 3.35 లక్షల ఆర్డర్లతో బటర్ నాన్ రోటీ, 3.31 లక్షలతో మసాలా దోశ లది రెండు, మూడు స్థానాలు. వరుసగా నాలుగో ఏడాది అత్యధికంగా ఆర్డర్ చేసిన వంటకాలలో బిర్యానీ మొదటి స్థానాన్ని నిలుపుకుంది.