లక్నో: ఉత్తరప్రదేశ్ సీఎం యోగి ఆదిత్యనాథ్ డిప్యూటీ సీఎం కేశవ్ ప్రసాద్ మౌర్య మధ్య విభేదాలు మరింతగా ముదిరినట్లు తెలుస్తున్నది. బీజేపీ కార్మికుల బాధ గురించి కేశవ్ ప్రసాద్ మౌర్య బుధవారం ప్రస్తావించారు. ప్రభుత్వం కంటే పార్టీ పెద్దదని అన్నారు. ‘ప్రభుత్వం కంటే సంస్థ పెద్దది. కార్మికుల బాధ నా బాధ. సంస్థ కంటే ఎవరూ పెద్దవారు కాదు. కార్మికులే గర్వకారణం’ అని డిప్యూటీ సీఎం కేశవ్ మౌర్య కార్యాలయం ఎక్స్లో పోస్ట్ చేసింది. డిప్యూటీ సీఎం కేశవ్ ప్రసాద్ మౌర్య మంగళ వారం ఢిల్లీకి వెళ్లారు. కేంద్ర మంత్రి, బీజేపీ అధ్యక్షుడు జేపీ నడ్డాతో ఆయన సమావేశమయ్యారు. ఉత్తరప్రదేశ్ బీజేపీ చీఫ్ భూపేందర్ చౌదరితో కూడా జేపీ నడ్డా ప్రత్యేకంగా భేటీ అయ్యారు. లోక్సభ ఎన్నికల్లో యూపీలో బీజేపీ పేలవ ప్రదర్శన తర్వాత సీఎం యోగి ఆదిత్యనాథ్, డిప్యూటీ సీఎం కేశవ్ మౌర్య మధ్య విభేదాలు మరింతగా పెరిగినట్లు తెలుస్తున్నది. ఈ నేపథ్యంలో యూపీలో పార్టీ వ్యూహాన్ని రూపొందించేందుకు ఈ సమావేశాలు జరిగినట్లు సమాచారం. అయితే బీజేపీ ప్రధాన కార్యాలయం నుంచి బయటకు వెళ్లేటప్పుడు మౌర్య మీడియాతో మాట్లాడలేదు.
