చెన్నై : నటి త్రిష త్వరలోనే పెళ్లి చేసుకోబోతున్నదనే వార్తలు సామాజిక మాధ్యమాల్లో చక్కర్లు కొడుతున్నాయి. మూడు పదుల వయసులో త్రిష ప్రేమ బంధాన్ని వివాహ బంధంగా మార్చుకోనున్నట్లు సమాచారం. కోలీవుడ్‌కు చెందిన ఓ స్టార్‌ డైరెక్టర్‌తో ఆమె ప్రేమలో పడిందని, పెళ్లి చేసుకోవాలని ఉభయులూ నిర్ణయించారని తెలుస్తోంది. పెద్దలు కూడా వారి పెళ్లికి అంగీకరించారట. తమిళంలో ఆమె నటించిన ఓ చిత్రానికి ఆయన దర్శకత్వం వహించారని, చిత్రీకరణ సమయంలో వారు ప్రేమలో పడ్డారని తెలుస్తోంది. ప్రస్తుతం త్రిష  అయిదు తమిళ చిత్రాల్లో నటిస్తోంది. గతంలో ఆమెకు వ్యాపారి వరుణ్‌తో నిశ్చితార్థమైనా, మనస్పర్థలు రావడంతో మధ్యలోనే తెగదెంపులు చేసుకుంది.