తెలుగు చిత్ర పరిశ్రమలో విజయంతమైన దర్శకుల్లో త్రివిక్రమ్ శ్రీనివాస్ ఒకరు.అయితే తన ప్రతీ చిత్రాన్ని హాలీవుడ్ చిత్రాల్లో సన్నివేశాలను లేదా కథలను కాపీ చేస్తారనే అపవాదు ఉంది.దీనిపై సామాజిమాధ్యమాల్లో ఎప్పుడు చర్చ జరుగుతూనే ఉంటుంది.తాజాగా మరోసారి దీనిపై చర్చ జరుగుతోంది.కొన్ని పాత సినిమాలను.. ఇతర లాంగ్వేజ్ సినిమాలను చూసి ఆ సినిమాలోని పలానా సీన్ పాత సినిమాకు కాపీ అంటూ సోషల్ మీడియాలో పోస్ట్ చేస్తున్నారు. ఆ సినిమాల దర్శకులను టార్గెట్ చేస్తూ మీమ్స్ క్రియేట్ చేస్తున్నారు. ఈ నేపథ్యంలో త్రివిక్రమ్ సినిమాలోని కాపీ సీన్స్ అన్నిటిని బయటకి తీశారు. దీనికి ‘త్రివిక్రమైజేషన్’ అని పేరు పెట్టి కాపీ సీన్స్ తో వీడియోలు చేసి యూట్యూబ్ లో రిలీజ్ చేసారు. ఈ క్రమంలో ఓ వీడియో నెట్టింట వైరల్ అవుతోంది. ఈ వీడియోలో హాలీవుడ్ మూవీ సీన్స్ కి త్రివిక్రమ్ శ్రీనివాస్ సినిమాలోని ఆడియోని జత చేసారు. ‘నువ్వే నువ్వే’ సినిమాలోని సునీల్ – ఎమ్మెస్ నారాయణ మధ్య వచ్చే కామెడీ సీన్.. ‘మల్లీశ్వరి’లో వెంకటేష్ ప్యాంటుని పెట్ డాగ్ లాగే సీన్.. ‘అతడు’ సినిమాలో హీరో ఎస్కేప్ సీన్ – ‘అత్తారింటికి దారేది’లో ఆకులు రాలే సీన్ మరియు సమంత కార్ లో డ్రెస్ చేంజ్ చేసుకునే సీన్.. ‘నువ్వు నాకు నచ్చావ్’ లో ప్రకాష్ రాజ్ కవిత చదివే సీన్.. లతో పాటు త్రివిక్రమ్ శ్రీనివాస్ ప్రెస్ మీట్ లో నేను ఏ హాలీవుడ్ సినిమాలో సీన్స్ కాపీ చేయను.. అవి నా ఆలోచనలు అని కచ్చితంగా చెప్పగలను అని చెప్పే క్లిప్పింగ్ యాడ్ చేశారు.అంతేకాకుండా ‘అతడు’ క్లైమాక్స్ ఫైట్.. ‘జల్సా’లో పవన్ – ప్రకాష్ రాజ్ మధ్య వచ్చే సీన్.. ‘ఖలేజా’ సినిమాలో ఇరీడియమ్ టెస్టింగ్ సీన్.. ‘అరవింద సమేత’లో మొండి కత్తి సీన్.. ‘జులాయి’ సినిమాలో బ్యాంకు రాబరీ సీన్ అండ్ విలన్ కార్ చేజింగ్ సీన్.. లతో యూట్యూబ్ లో అనేక వీడియోలు అప్లోడ్ చేశారు.అంతేకాకుండా ‘అల వైకుంఠపురములో’ మూవీ కూడా సీనియర్ ఎన్టీఆర్ నటించిన ‘ఇంటి గుట్టు’ సినిమాని పోలి ఉంటుందని.. మొత్తం మీద ఈ మహమ్మారి కారణంగా త్రివిక్రమ్ శ్రీనివాస్ గుట్టు బయటపడిందని యాంటీ ఫ్యాన్స్ కామెంట్స్ చేస్తున్నారు.