ఆరోగ్యకరమైన పండ్లలో దానిమ్మ ఒకటి.శరీరానికి అవసరమైన పోషకాలు,విటమిన్లు అందించడంలో దానిమ్మది కీలకపాత్ర.వేదాంతాల్లో సైతం దానిమ్మ గురించి ప్రస్తావన ఉండడంతో దీనిని దైవిక ఫలమని కూడా పిలుస్తారు. దానిమ్మలో యాంటీ–ఆక్సిడెంట్, యాంటీ–వైరల్‌ మరియు యాంటీ–ట్యూమర్‌ లక్షణాలు ఉన్నాయి.ముఖ్యంగా విటమిన్‌ ఎ, విటమిన్‌ సి మరియు విటమిన్‌ ఇ, అలాగే ఫోలిక్‌ యాసిడ్‌ కలిగి ఉంది.దానిమ్మపండు తినడం వల్ల అన్ని రకాల వ్యాధుల ప్రమాదం కూడా తగ్గుతుంది.
1. ఫ్రీ రాడికల్స్‌ నుంచి రక్షిస్తుంది
దానిమ్మలో పుష్కలంగా ఉండే యాంటీ ఆక్సిడెంట్లు అకాల వృద్దాప్యానికి కారణమయ్యే ఫ్రీ రాడికల్స్‌ నుంచి శరీరాన్ని రక్షిస్తుంది..
2. రక్తం గడ్డ కట్టకుండా నిలువరిస్తుంది.
దానిమ్మలో ఉండే యాంటీఆక్సిడెంట్లు శరీరంలో,రక్తంలో ఆక్సిజన్‌ స్థాయిని పెంచి రక్తపు ప్లేట్‌లెట్స్‌ను గడ్డకట్టకుండా నివారిస్తాయి.ఇవన్నీ చివరికి రక్తం స్వేచ్ఛగా ప్రవహించటానికి సహాయపడుతుంది మరియు తద్వారా మీ శరీరంలో ఆక్సిజన్‌ స్థాయిని మెరుగుపరుస్తుంది.
3. దానిమ్మ గుండె జబ్బులను దరి చేరకుండా నివారించడంతో పాటు ప్రోస్టేట్‌ కేన్సర్‌ బారి నుంచి రక్షిస్తుంది.దానిమ్మపండు తినడం వల్ల అదనపు కొవ్వు తొలగిపోతుంది మరియు ధమని గోడల గట్టిపడటం నిరోధిస్తుంది.
4. మతిమరుపుతో బాధపడే వ్యక్తులు ప్రతిరోజూ దానిమ్మ గింజలు తినడం లేదా దానిమ్మ రసం తాగడం వల్ల జ్ఞాపకశక్తి వృద్ధి చెందుతుంది.
5.దానిమ్మ గింజలు లేదా రసాన్ని రోజువారి ఆహారంలో చేర్చుకోవడం వల్ల జీర్ణప్రక్రియకు కీలకమైన ఫైబర్‌ వృద్ధి చెందుతుంది.
6.యాంటీ ఇన్ఫ్లమేటరీ సమ్మేళనాలు అధికంగా ఉన్నందు వల్ల, రుమటాయిడ్‌ ఆర్థరైటిస్‌ మరియు ఆస్టెరో ఆర్థరైట్స్‌ వంటి రోగనిరోధక సంబంధిత రుగ్మతలతో బాధపడేవారికి దానిమ్మపండ్లు చాలా ఆరోగ్యకరమైనవి. వీటిలో విటమిన్‌ సి కూడా అధికంగా ఉంటుంది, ఇది యాంటీబాడీ ఉత్పత్తిని పెంచుతుంది మరియు రోగనిరోధక శక్తి అభివృద్ధికి సహాయపడుతుంది.
7. వ్యక్తిగత మరియు వృత్తి జీవితంలో ఎదురయ్యే మానసిక ఒత్తిడిని తగ్గించడానికి దానిమ్మలు సహాయపడతాయి. క్వీన్‌ మార్గరెట్‌ విశ్వవిద్యాలయం నిర్వహించిన ఒక అధ్యయనం ప్రకారం, దానిమ్మ రసం తాగిన వ్యక్తులలో కార్టిసాల్‌ తక్కువ స్థాయిలో ఉంటుందని తేలింది.
8.దానిమ్మ రసం పొడి చర్మ సంరక్షణకు ఎంతో సహకరిస్తుంది.దానిమ్మలోని విటమిన్‌ సి చర్మం యొక్క ఆకృతిని మరియు ప్రకాశాన్ని మెరుగుపరుస్తుంది.
దానిమ్మలోని యాంటీఆక్సిడెంట్లు జుట్టు కుదుళ్లను బలోపేతం చేస్తాయి మరియు జుట్టులో రక్త ప్రసరణను మెరుగుపరుస్తాయి..ఇవి జుట్టు పెరుగుదలను ఉత్తేజపరిచేందుకు సహాయపడతాయి.
