హైదరాబాదు: బంగారం లాంటి కూతురు. అల్లుడు, పండంటి మనుమడితో అందమైన జీవితాన్ని గడపకుండా కులమే అడ్డు గోడలు సృష్టించిందని నటి మాధవీలత మారుతీరావు ఆత్మహత్యను ఉద్దేశించి నటి మాధవీలత ఫేస్బుక్లో పోస్ట్ చేశారు.’కూతురిని జీవిత కాలపు విషాదంలోకి నెట్టి వేసిందీ. తన భార్యను శోకంలో ముంచిందీ. ఈయన జీవితాన్ని నేరమయం చేసి.శిక్ష పడక ముందే కుల సంఘం సత్రంలోనే చివరకి హరించిందీ. పాపం ప్రేమించిన నేరానికి హత్యతో శిక్షించిందీ. ఆ హత్య తప్పుకాదు అని మాట్లాడే దుర్మార్గులను సృష్టించిందీ కులమే. ఇంకేమీ కాదు. కులమే’ అని పేర్కొన్నారు.రాజకీయంలో కులం ప్రధాన పాత్ర పోషిస్తున్నదని విమర్శించారు. వివక్షకు పునాది వేసి, ద్వేషానికి పాలు పోస్తూ, సామాజిక వర్గం గా చెలామణీ అవుతున్న సామాజిక నేరమని ఆమె ఆగ్రహం వ్యక్తం చేశారు.ఈ కుల విష సర్పం నేడు సిగ్గు విడిచి, కొత్త దర్పం చూపిస్తున్నదని, ఒకప్పటి, నేటి, బాధితుల ద్వారానే వ్యాప్తి చెందుతున్నద’ని దుయ్యబట్టారు.
