మాటల మాంత్రికుడు త్రివిక్రమ్ శ్రీనివాస్ దర్శకత్వం వహించే సినిమాల్లో శాస్త్రీయ సంగీతానికి సంబంధించిన కీర్తనలు, కృతులు ఉండడం పరిపాటి.త్రివిక్రమ్‌ దర్శకత్వంలో తెరకెక్కిన అలవైకుంఠపురములో చిత్రంలో సైతం శాస్త్రీయ సంగీతానికి కొద్దిగా ప్రాధాన్యత ఇచ్చినట్లు కనిపిస్తోంది.ఇక సంక్రాంతి కానుకగా వస్తున్న ఈ చిత్రంపై భారీగా అంచనాలున్నాయి. తాజాగా, ఈ సినిమా ప్రమోషన్ లో భాగంగా జనవరి 6న హైదరాబాదులోని యూసుఫ్ గూడ పోలీస్ గ్రౌండ్స్ లో సంగీత కచేరీ నిర్వహిస్తున్నారు. దీనికి సంబంధించిన ప్రోమో వీడియోను చిత్రబృందం రిలీజ్ చేసింది.