గోవా:నౌకా దళ శిక్షణ విమానం మిగ్-29కె శనివారం ఇక్కడ విమానాశ్శ్రయంలో కూలి పోయింది. దానిలోని ఇద్దరు పైలెట్లు సురక్షితంగా బయట పడ్డారు. విమానం నింగికి ఎగసిన కాసేపట్లోనే కూలి పోయిందని నౌకాదళ అధికార ప్రతినిధి వివేక్ మధ్వాల్ తెలిపారు. ‘మిగ్- 29కె ట్రైనర్ ఎయిర్క్రాఫ్ట్ ఇంజిన్లో మంటలు చెలరేగడం వల్లే ప్రమాదం జరిగింది. పైలెట్లు కెప్టెన్ ఎం. షియోకాంద్, లెఫ్టినెంట్ కమాండర్ దీపక్ యాదవ్ సురక్షితంగా తప్పించుకున్నారు. ప్రమాద స్థలి నుంచి వారిని రప్పించడానికి సిబ్బందిని పంపాం’ అని వివరించారు.
